Tom Krýzdyń qyzy ákesiniń teginen bas tartty

<p>ASTANA. KAZINFORM &ndash; Amerıkalyq akter Tom Krýz ben onyń burynǵy áıeli Ketı Holmstyń qyzy Sýrı ákesiniń teginen bas tartamyn dep sheshim qabyldaǵan. Bul týraly <a href="https://lenta.ru/news/2024/06/23/doch-toma-kruza-otkazalas-ot-familii-ottsa/" target="_blank" rel="noopener">Lenta.ru</a> jazdy.</p>

21 maýsym kúni boıjetken mektepti támamdap, attestat alý rásimin anasymen birge merekelegen. Akter sharaǵa qatysqan joq. Basylym merekelik rásimde onyń broshıýrasynda Sýrı Noel retinde kórsetilgenine nazar aýdaryp otyr. 

Buǵan deıin Tom Krýzdyń qyzy kámelettik jasqa tolǵannan keıin ártispen aralaspaıtynyn jarııalaǵan bolatyn. 

Krýz ben Holms 2006 jyldan 2012 jylǵa deıin nekede bolǵan. Ajyrasqannan keıin aktrısa qyzynyń jalǵyz qamqorshysy retinde bekitilgen. Al burynǵy kúıeýi qyzymen aralasyp turýǵa ruqsat aldy. Sýrıdiń ákesimen aralasyp turýyna anasy Krýzdyń saentologııaǵa degen qyzyǵýshylyǵyna baılanysty qarsy bolǵany belgili. Sońǵy jyldary akter qyzymen múlde aralaspaı ketken.