Tom Henks: Tramptyń Aq úıge oralýy – tragedııa

<p>ASTANA. KAZINFORM &ndash; Ataqty Gollıvýd akteri Tom Henks respýblıkashyl Donald Tramptyń prezıdenttik saılaýda jeńiske jetýine baılanysty AQSh-tan ketip qaldy. Bul týraly <a href="https://thedirect.com/article/did-tom-hanks-leave-the-country-new-rumors-explained" target="_blank" rel="noopener">The Direct</a> habarlady.</p>

Bul týraly akterdiń qoshtasý hatynda ózi moıyndaǵany atap ótilgen.

– Men aýyr júrekpen jáne odan da aýyr chemodanmen habarlaımyn: men elden resmı túrde kettim, – dep jazǵan akter.

Henkstiń aıtýynsha, Tramptyń Aq úıge oralýy akter úshin tragedııa.

– Saılaý nátıjelerin kórgende men óz-ózime: «Júgir, Forrest, júgir!» dedim. Men dál solaı istedim, – dep qosty ol ózi basty róldi somdaǵan fılmdegi Forrest Gampty meńzep.

Akter jankúıerlerin AQSh-tan birjola ketti dep oılamaýǵa shaqyryp, Tramptyń prezıdenttik merzimi aıaqtalǵan soń elge oralýy múmkin ekenin aıtty.

Anyqtama úshin, Tomas Djeffrı Henks – amerıkandyq teatr, kıno, teledıdar akteri, prodıýser, kınorejısser, stsenarıst jáne jazýshy.

Henks óziniń akterlik mansabyn teledıdarlyq jáne komedııalyq fılmderdegi rólderden bastady jáne Fıladelfııadaǵy (1993) jáne Forrest Gamptaǵy (1994) basty rólderi úshin «Úzdik er adam róli» nomınatsııasynda eki ret Oskar syılyǵyn jeńip alǵan.