Tolyq bakpen jolǵa shyqpaý qajet: Mınıstrlik aptap ystyqta kólikpen saparlaıtyndarǵa keńes berdi

ASTANA. QazAqparat – Іshki ister mınıstrligi aptap ystyq kúnderi jolǵa shyqqanda qandaı erejelerdi qaperde ustaý kerektigin eske saldy, dep habarlaıdy QazAqparat tilshisi.

Aptalyq onlaın-brıfıngi barysynda vedomstvo ókili Shuǵyla Turlybek Іshki ister mınıstrligi ystyq kúnderi kólikpen jolǵa shyqqandarǵa myna erejelerdi ustanýǵa shaqyrdy:

- alys qashyqtyqtaǵy saparǵa tańerteń nemese keshke ystyq basylǵan kezde shyǵý;

- medıtsınalyq kómek qobdıshasy men sýdy júk salǵyshqa emes, ózińe jaqyn jerde ustaý;

- qatty ystyq kezeńde kóktaıǵaqta qozǵalǵandaı aqyryn, saq júrińiz. Sebebi joǵary temperatýra jaǵdaıynda asfalt óziniń qasıetterin joǵaltady jáne taıǵaq bolady;

- salqyndatý júıesin únemi baqylap, qozǵaltqyshtyń salqyndatý júıesine kúsh túsirmeý;

- bakty tolyq toltyrmańyz. Óıtkeni, joǵary temperatýrada dızel otyny men benzınniń kólemi ulǵaıady, belsendi býlaný júredi. Sonyqtan mundaı jaǵdaılarda órt shyǵýy múmkin. Osyǵan baılanysty sapar aldynda jaramdy órt sóndirgishtiń bar-joǵyn tekserý qajet;

- júrek-qan tamyrlary jáne sozylmaly aýrýlary bar júrgizýshiler osyndaı ýaqytta jolǵa shyqpaǵany jón;

- jaǵdaıyńyz kúrt nasharlasa, kólikti dereý toqtatyp, basqa júrgizýshilerdiń nazaryn aýdaryńyz nemese jedel járdem shaqyryńyz, qutqarý qyzmetine, polıtsııaǵa qońyraý shalyńyz.