Tóleýtaı Raqymbekovtiń shtaby 300-ge jýyq shara ótkizdi
Bul týraly «Aýyl» partııasynyń baspasóz qyzmetinen habarlady.
Onyń ishinde kandıdattyń ózi Ortalyq, Soltústik jáne Shyǵys Qazaqstan aımaqtaryndaǵy jurtshylyqpen kezdesip, ózekti degen máselelerdi talqylady. Sonymen qatar, úgit-nasıhat naýqany aıasynda Qyzylorda, Túrkistan, Qaraǵandy, Semeı, Tadyqorǵan jáne Petropavl óńirlerinde Tóleýtaı Raqymbekovti qoldaýǵa arnalǵan mádenı kópshilik is sharalar uıymdastyryldy. Al, onyń senimdi ókilderi aýyl-aýyldy aralap, jergilikti turǵyndarǵa saılaýaldy baǵdarlamany tanystyryp júr.
«Aýyl» HDPP úgit-nasıhat jumystary josparǵa saı júrgizip jatyr. Árıne, birinshi aptaǵa qaraǵanda qarqyny kúnnnen-kúnge kúsheıip, kúnnen-kúnge údep keledi. Onyń sebebi de joq emes. Qazirge deıin bizdiń oblystyq qoǵamdyq shtabtar tarapynan, aýdandyq shtabtar tarapynan jáne jergilikti jerlerdegi eriktilerdiń qatysýymen «Aýyl» partııasy Tóleýtaı Raqymbekovti qoldaý aktsııasy negizinde 300-ge tarta shara ótkizildi», -dedi QR Prezıdenttigine úmitker T. Raqymbekovtiń Respýblıkalyq qoǵamdyq shtaby tóraǵasynyń orynbasary Qýanysh Seıtjanov.
Aıta keteıik, QR Prezıdentin saılaý 9 maýsymda ótedi. Oǵan 7 kandıdat tirkelgen.