Tóleýtaı Raqymbekov shtaby Almaty oblysynda kontsert uıymdastyrdy

KERBULAQ AÝDANY. QazAqparat - «Aýyl» partııasynan prezıdenttikke úmitker Tóleýtaı Raqymbekovtiń shtaby Almaty oblysynda kontsert ótkizdi, dep habarlaıdy QazAqparat partııanyń baspasóz qyzmetine silteme jasap.

Almaty oblysy Kerbulaq aýdanyndaǵy A.Sarybaev atyndaǵy mádenıet saraıynda ótken kontsertte týǵan jer, aýyl týraly ánder kóptep shyrqaldy. Aqyndar qaýymy da qalys qalmaı, jyrdan shashý shashty.

«Aýyl» partııasynyń ardageri B.Jetpisbaev, aımaqtyq qoǵamdyq shtab ókilderi Q.Bekıev pen Q.Isaeva jınalǵandardy 9 maýsym kúni ótetin saılaýǵa belsendi qatysýǵa úndedi. Shtab belsendileri men eriktiler kandıdattyń úgit materıaldaryn taratty.

Aıta keteıik, aldaǵy 9 maýsym kúni ótetin prezıdent saılaýyna 7 kandıdat qatysyp jatyr.