Tóleýtaı Raqymbekov reseılik BAQ ókilderine suhbat berdi
Jýrnalıstermen áńgime barysynda Tóleýtaı Raqymbekovtiń respýblıkalyq qoǵamdyq shtabynyń jetekshisi Álı Bektaev saılaý naýqanyna 700-den astam is-shara ótkizý josparlanǵanyn atap ótti. Búgingi kúni onyń 620-y júzege asyryldy. Tóleýtaı Raqymbekov pen onyń senim bildirgen ókilderi Qazaqstannyń barlyq aımaqtaryn aralap, saılaýaldy baǵdarlamany tanystyryp shyqqan.
Kezdesý barysynda sheteldik jýrnalıster kandıdatqa birqatar saýaldar qoıdy.
Tóleýtaı Raqymbekov óz saılaýaldy baǵdarlamasynyń nemen erekshelenetinin, onda negizinen qandaı máselelerge basymdyq berilgenin, sondaı-aq, aýyl sharýashylyǵyn damytýǵa bar kúshin salatynyn, sebebi Qazaqstannyń agrarlyq salada kósh bastaýǵa áleýeti jetetinin aıtyp berdi.
Sonymen qatar, saılaýaldy naýqandy qalaı ótkizgeni jóninde áńgimeledi.