Tóleýtaı Raqymbekov Ǵylymı ınstıtýt ókilderimen kezdesti

ALMATY. QazAqparat - QR Prezıdenttigine «Aýyl» saıası partııasynan úmitker Tóleýtaı Raqymbekov búgin Almatyda birqatar kezdesý ótkizdi, dep habarlaıdy QazAqparat tilshisi.

Jumys saparyn Tóleýtaı Raqymbekov Ó.Ospanov atyndaǵy Qazaq topyraqtaný jáne agrohımııa ǵylymı zertteý ınstıtýtyn aralaýdan bastady.

Sonymen qatar, úmitkerdiń shtaby arnaıy kórmeni, jataqhanalardy, hımııalyq taldaý zerthanasyn tamashalady.

Qazaq ınjenerlik ınstıtýtynda prezıdenttikke úmitker Tóleýtaı Raqymbekov saılaýshylarmen kezdesip, suraqtaryna jaýap berdi.

Ol Qazaqstannyń agoroónerkásip keshenin damytýdy usyndy. Sonymen qatar jol, sý, elektr qýaty, baılanys, ınternet máselesi ózekti ekenin jetkizdi. Jınalǵandar úmitkerge alańdatqan suraqtaryn qoıdy.

Almaty oblysynda Prezıdenttikke úmitker "Qaskeleń" agroparkin, ǵylymı jetistikterdi óndiriske engizý ortalyǵyn aralap kórdi. Árbir nysanda Tóleýtaı Raqymbekov óziniń saılaýaldy baǵdarlamasyn tanystyrdy.