Tólenbegen nesıesin ótegenderge qaryz sharttaryn qaıta qaraý usynyldy

ALMATY. QazAqparat – QR Qarjy naryǵyn retteý jáne damytý agenttiginiń ókili nesıe ıelerin qoldaý sharalary týraly aıtty, dep habarlaıdy QazAqparat tilshisi.

«1 tamyzda jeke tulǵalardyń nesıe portfeli 6,8 trln teńgege jetti. Onyń ishinde tutynýshylyq nesıe portfeli 4,15 trln teńge boldy. Agenttiktiń qolǵa alǵan sharalarynyń arqasynda tutynýshylyq nesıe portfeli 61 mlrd teńgege, ıaǵnı 1,4%-ǵa azaıdy. Tólem merzimi ótip ketken nesıe deńgeıi 7%-ǵa azaıdy», - dedi brıfıng barysynda agenttik tóraǵasynyń orynbasary Nurlan Ábdirahmanov.

Onyń aıtýynsha, pandemııa kezindegi kúrdeli ekonomıkalyq ahýal kesirinen kóptegen nesıe ıeleri qaryzyn óteı almaǵan.

«QR Prezıdentiniń tapsyrmasyna baılanysty agenttik nesıe ıelerin ońaltý sharalaryn qolǵa aldy. Bul zańdy shara merzimi ótip ketip tólenbegen nesıesi bar azamattarǵa jáne merzimi ótken nesıelerin ótegen azamattarǵa qaryz sharttaryn qaıta qaraýdy usynady. Bul óz kezeginde jaǵymsyz nesıe tarıhy bar tutynýshylardyń bankten tys sektorǵa ketpeýin qamtamasyz etedi, olardyń bank ónimderine qoljetimdiligin arttyrady», - dedi spıker.

Buǵan deıin Nurlan Ábdirahmanov Memleket basshysynyń tapsyrmasy aıasynda atqarylyp jatqan jumystar týraly aıtqan bolatyn