Tólen Tileýbaıdyń «Táýelsizdik - tumarym» atty kitabynyń tusaýy kesildi

ASTANA. QazAqparat - Astanadaǵy QR Ulttyq akademııalyq kitaphanasynda Qazaqstan Jýrnalıster odaǵynyń múshesi, jýrnalıst Tólen Tileýbaıdyń «Táýelsizdik - tumarym» atty jańa kitabynyń tusaýkeseri ótti, dep habarlaıdy QazAqparat.

Atalǵan sharaǵa saıasattanýshy Kenjebolat Joldybaı, jýrnalıst Talǵat Batyrhan, dintanýshy-ǵalym Omar Jálel, belgili jýrnalıst Meıramhan Japek qatysty.

Jańa jınaq Qazaqstan Táýelsizdiginiń 25 jyldyǵyna oraı «BAQORDA» baspasynan basylyp shyqty. Oǵan avtordyń ár jyldary qazaq baspasózinde jarııalanǵan suhbattary, saraptamalyq maqalalar jáne pýblıtsıstıkalyq shyǵarmalary toptastyrylǵan.

 

«Táýelsizdik - tumarym» - jýrnalıstiń ekinshi jınaǵy. Buǵan deıin onyń «Ólke» baspasynan «Alasapyran Amerıka» atty tuńǵysh kitaby jaryqqa shyqqan bolatyn.

 

Aıta keteıik, T.Tileýbaı Qaraǵandyda jaryq kórgen «Sana», respýblıkalyq «Astana aqshamy», «Jas qazaq» gazetterinde, «Qazaqstan temir joly» ulttyq kompanııasynda, QR Premer-Mınıstri Keńsesiniń Úkimettik basylymdar redaktsııasynda qyzmet etken. Ol «Eýrazııa saqınasy» atty Eýrazııa jastarynyń aqparattyq forýmynyń dıplomanty, «Shabyt - 2003» halyqaralyq shyǵarmashyl jastar festıvaliniń «Jýrnalıstıka» atalymy boıynsha Gran-Prı ıegeri.