Tólen Ábdikuly Prezıdentke: Ári uıaltyp, ári qýantyp otyrsyz

<p>Búgin Aqordada Tólen Ábdikuly Memleket basshysy Qasym-Jomart Toqaevtyń qolynan &laquo;Qazaqstannyń halyq jazýshysy&raquo; ataǵyn aldy, dep habarlaıdy <a href="Kazinform" target="_blank" rel="noopener">Kazinform</a>.</p>

«Halyq jazýshysy degen ataqty kezinde ózimiz jaýyp tastap edik. Sony búgin qaıtadan ashyp, bizdi ári uıaltyp, ári qýantyp otyrsyz. Bul bizge qosymsha asa talap qoıa qoımas. Biraq ónerge, ádebıetke degen jańa kózqarastyń belgisi bolyp, kóńilimizdi úlken senimge toltyryp otyr. Ómirde ádildik, shyndyq, adamgershilik degen uly qundylyqtar bar. Adamı qarym-qatynas, is-áreket, qoǵamnyń ómiri, memlekettiń saıasaty soǵan negizdelgen kezde órkenıet kóshine qosylýǵa múmkindik ashylady. Sol kóshti bastaý Sizge júkteldi. Bul árıne, asa qasterli, biraq, asa jaýapty nárse ekenin bilemiz. Qazaqtyń kóshin týra bastap, basqa jolǵa burylmaı, kedergilerge urynbaı halyqtyń úmitin aqtaǵan abyroıly Prezıdent bolǵanyńyzdy qalaımyz», - dedi qalamger Aqordada ótken saltanatty rásimde.

Osy rette jazýshy ıtalııalyq bir memleket qaıratkeriniń «Biz Italııany jasadyq. Endi ıtalıandyqtardy jasaıyq» degen áıgili sózin eske saldy. 

«Biz de ilgerindi-keıindi Qazaqstandy jasadyq. Endi kózi ashyq, sanasy erkin, ǵylym men bilimdi meńgergen, ózge ozyq oıly eldermen boı teńestire alatyn zamanaýı Qazaq ultyn jasaýǵa kúsh salý kerek dep esepteımiz. Bul, árıne, ortaq mindet. Bizde qolymyzdan kelgenshe tyrysyp baǵamyz. Damý degen jańa bir zatqa qol jetkizý emes. Ótken qatelikterdi túzeý, qısaıǵandy túzetý, qulaǵandy qalpyna keltirý», - dedi Tólen Ábdikuly.