Tólebı aýdanynyń týrıstik áleýetin damytý maqsatynda ashylǵan saıttyń tanystyrylymy ótti
Sala mamandary tolebitour.kz týrıstik saıty týrızm salasyn jan-jaqty damytý men tabıǵı qundylyqtardy dáriptep, tamasha tabıǵat pen kıeli mekendi sheteldikterge tanystyratyn bolady, dep habarlaıdy QazAqparat tilshisi.
Jıynǵa Tólebı aýdany ákiminiń orynbasary Q.Myltyqbekov pen oblystyq týrızm basqarmasynyń «Turkistan Tourism Center» týrıstik aqparattyq ortalyǵynyń A.Ismaıl jáne Indýstrııa jáne týrızm assotsıatsııasynyń prezıdenti G.Aqberdıeva qatysty.
Saıtty «UX group» JShS-niń dırektory A.Esjanov jan-jaqty tanystyryp, qurylymyn kórsetti.
Onyń aıtýynsha, atalǵan saıt aımaqtyń týrıstik tartymdylyǵyn arttyrý men týrısterdi qyzyqtyratyn nysandardy tabýǵa kómektesý maqsatynda ashylǵan. Prezentatsııa barysynda suraqtar men usynystar aıtylyp, salanyń áleýetin arttyrý joldary talqylandy. Atalmysh aqparattyq portaldan Tólebı aýdanyndaǵy týrısttik nysandar týraly tolyq aqparat alýǵa bolady.
Qazirgi tańda sheteldik týrısterge ǵana emes, elimizdiń turǵyndaryna da paıdaly bolatyn jańa ınternet resýrsy óz jumysyn bastap ketti.