Tólebı aýdanynda «Mektepke jol» qaıyrymdylyq aktsııasy ótti

TÓLEBI. QazAqparat – Túrkistan oblysy Tólebı aýdanynda dástúrli qaıyrymdylyq «Mektepke jol» aktsııasy ótti. Igi sharada aýdan ákimi Baýyrjan Omarbekov qaıyrymdylyq tanytqan mekeme basshylary men kásipkerlerge rızashylyǵyn bildirip, aýdan ákiminiń «Alǵys hatyn» tabys etti, dep habarlaıdy QazAqparat tilshisi.

«Balalarǵa birge kómek bereıik!» uranymen uıymdastyrylǵan aktsııa bıyl aýdanda on birinshi ret ótkizilip otyr. Máselen, ótken 2018 – 2019 oqý jylyndaǵy «Mektepke jol» aktsııasy barysynda 420 balaǵa 15 mln teńge kóleminde materıaldyq kómekter berildi. Al, 2019-2020 jańa oqý jylynda bilim qorynan 450 balaǵa 17 mln qarjy bólinip, mektep formalary men qysqy kıim tartý etildi. Sonymen qatar, áleýmettik az qamtylǵan otbasy balalaryna oqýlyqtar, kıim-keshek alyp berýge jáne oqý jyly barysynda ystyq tamaqpen qamtýǵa bıýdjetten qarjy bólindi. Aýdandaǵy jomart júrekti azamattar 200 balaǵa demeýshilik kómek kórsetti. «Jylýy joq úıden bez, qaıyrymy joq bıden bez» degendeı, ár azamat qaıyrymdylyq, adamgershilikti bıik ustap, kisilikti tý etýi tıis. Kókiregi qaıaýly, jany jaraly jannyń kóz jasyn súrtip, jyly lebizin aıamaı, qoldan kelgen járdemin usynyp, dostyq peıil tanytqan tólebılik azamattarǵa úlken rızashylyǵymyzdy bildiremiz. Balasyn qorǵaı bilgen el – bolashaǵyn saqtaı bilgen el. Balalarymyzdyń bolashaǵy nurly bolsyn»,- dedi aktsııaǵa qatysqan el aǵalary.