Tólebı aýdanynda Abaı alleıasy salynyp jatyr

TÓLEBI. QazAqparat – Túrkistan oblysy, Tólebı aýdanynda Abaıdyń 175 jyldyǵyna oraı Abaı alleıasynyń qurylysy júrgizilýde. Jańa alleıa aýdan ortalyǵyndaǵy Áıteke bı kóshesiniń boıynda ornalasqan, dep habarlaıdy QazAqparat tilshisi.

Alleıada uly aqynnyń eńseli eskertkishi ornatylatyn bolady. Demeýshiler qoldaýymen boı kóteretin músinniń bıiktigi – 3 metr, tuǵyry – 2 metrdi quraıdy. Jobanyń qurylys jumystaryn merdiger mekeme «Shuǵyla-2002» JShS-gi júrgizýde.

Aıta keterligi, munda balalar úshin oıyn alańshalary men sportpen shuǵyldanýǵa arnalǵan qurylǵylar ornatý josparlanyp otyr. Qurylys jumystary tolyqtaı aıaqtalǵan soń, saıabaqty kógaldandyrý da qolǵa alynbaq. Óz kezeginde alleıa turǵyndardyń tynyǵýyna, dene shynyqtyrýy men serýendeýine qolaıly jaǵdaı týǵyzatyn bolady.