Tóle, Qazybek jáne Áıteke bılerdiń aty berilgen shyńdardy alpınıster baǵyndyrady

TÚRKІSTAN. QazAqparat - Túrkistan oblysyndaǵy «Saıram-Ógem» ulttyq parki aýmaǵyndaǵy  úsh shyńǵa Tóle, Qazybek jáne Áıteke bıdiń attarymen ataldy, dep habarlaıdy QazAqparat oblys ákiminiń baspasóz qyzmetine silteme jasap.

Óńirle «Bul - bizdiń taýlar!» festıvali bastaldy. Úsh kúnge sozylatyn is-shara «Saıram-Ógem» memlekettik ulttyq tabıǵı parki  aýmaǵynda ótedi. Oblys ákimdiginiń uıymdastyrýymen qolǵa alynǵan festıvalge Qaraǵandy, Aqtóbe, Túrkistan oblystarynan jáne Shymkent qalasynan 30-ǵa jýyq alpınıst arnaıy keldi. Bıik shyńdardy baǵyndyrýǵa bet alǵan alpınısterge Túrkistan oblysynyń aqsaqaldary batasyn berip, saltanatty túrde shyǵaryp saldy. 

Bul is-sharanyń maqsaty - ishki, sporttyq-ekologııalyq týrızmdi damytý, oblystyń týrıstik áleýetin nasıhattaý jáne «Rýhanı jańǵyrý» baǵdarlamasyn júzege asyrý. Bıylǵy festıval qazaq halqynyń uly qaıratkerleri - Tóle, Qazybek jáne Áıteke bıge arnalǵan.  Elbasynyń «Rýhanı jańǵyrý» baǵdarlamasy aıasynda 3 shyńǵa 3 bıdiń aty berilip, alpınıster sol 3 shyńdy baǵyndyrady.

Festıval aıasynda velosherý jáne ulttyq sport túrlerinen saıystar ótedi. Sonymen qatar, kontserttik baǵdarlama da bar.