Tóle bı aýdanyndaǵy sheshen dıasporasy qazaq halqyna alǵys aıtty

TÚRKІSTAN. QazAqparat – Túrkistan oblysynyń Tóle bı aýdanynda etnos ókilderi bir dastarhanda bas qosyp, qazaq halqyna alǵys aıtty, dep habarlaıdy QazAqparat tilshisi.

Tasaryq aýylyndaǵy sheshen dıasporasy Qazaqstanǵa jer aýdarylǵanyna 76 jyl tolýyna jáne 1 naýryz Alǵys aıtý kúnine oraı as berip, ata-baba arýaǵyna quran baǵyshtady
Atalǵan jıynǵa Tóle bı aýdany ákiminiń orynbasary Serjan Dúısebaev pen kúrd, túrik, ózbek mádenı ortalyǵynyń ókilderi, Tasaryq aýyl okrýginiń turǵyndary qatysty.

Jıyn barysynda S.Dúısebaev óńirdegi tatýlyq pen ulttar arasyndaǵy dostyqty nasıhattaý, ony halyqqa túsindirý jáne sonyń negizinde qoǵamdyq pikirdi qalyptastyrý jaıynda sóz sóıledi.

Aýdandyq ardagerler keńesiniń tóraǵasy tarıhqa toqtalyp, elimizge jer aýdarylǵan ulttar týraly málimetter keltirdi. Aýdandaǵy mádenı ortalyq tóraǵalary ultaralyq tatýlyq boıynsha óz oılaryn ortaǵa salyp, tilekter aıtty.

Jıyn sońynda sheshen dıasporasy qıyn-qystaý kezeńde qarsy alyp, osy kúnge deıin qonaqjaı bola bilgen qazaq halqyna alǵys aıtty. Jıylǵan qaýym elimizdegi ulttardyń yntymaǵy artyp, aradaǵy tatýlyq nyǵaıa túsetindigine senim bildirdi.