Tóle bı aýdanyndaǵy aýyldardyń ınfraqurylymdyq jobalary jóndelýde
2018 jylǵy áleýmettik-ekonomıkalyq damý kórsetkishteri týraly qorytyndylaǵan aýdan basshysy atqarǵan jumystaryn arnaıy daıyndalǵan beınerolıkpen kórsetip, 2019 jyly aýdanda júzege asyrylatyn jumystar barysyn baıandady. Máselen, Aqqum aýyl okrýgi boıynsha aǵymdaǵy jyly Aqdala, Jalǵyz aǵash, Keńsaı kóshelerine transformator ornatylyp, elektr jerileriniń qurylysy júrgiziledi.
«Bul maqsatta jobalyq-smetalyq qujattama ázirleýge 1,7 mln teńge jumsalady. Aýyldaǵy Tynybek orta mektebiniń sport zal qurylysyna 50 mln teńge bólinip, Jańauıym eldimekenindegi 1,5 shaqyrym avtojoldy orta jóndeýden ótkizýge 22,8 mln teńge berilgen. Sol sııaqty Momynaı eldimekeniniń Bulaqty kóshesin jóndeýge 6,6 mln teńge qarastyrylǵan»,- dedi Baýyrjan Omarbekov.
Esep berý jıynynda aýyldaǵy ózge de ózekti máseleler sóz bolyp, aýdan ákimine suraqtar qoıyldy. Halyq jıynǵa belsene qatysyp, óz usynystaryn jetkizdi. Dál osyndaı kezdesý Alataý aýyldyq okrýginde de ótti. Atalǵan eldimekeniniń aýyz sý qubyrynyń qurylysyna 232,2 mln teńge bólinse, Nysanbek eldimekeniniń qubyrlar tartý úshin joba-smetalyq qujattamasyn ázirleýge 5,4 mln teńge qaralǵan.
«Shatyrtóbe-Qaınar eldimekenderiniń aýyz sý qubyryn qaıta qurýǵa 110 mln teńge, Ekpindi eldimekenindegi Ekpindi-Aqmeshit kópirin kúrdeli jóndeýge 48,8 mln teńge qarastyryldy. Birkólik eldimekeninde Qazaqstan jáne Aqmeshit ýchaskesi men Nazarbekov kóshelerine transformator ornatý jáne elektr jelileriniń qurylysyna joba-smetalyq qujattama ázirleýge 2,8 mln teńge bólindi. Qaınar eldimekenindegi jańa turǵyn úı massıvteriniń ınjenerlik-kommýnıkatsııa júıeleriniń qurylysyn júrgizý úshin joba-smetalyq qujattama ázirleýge 17,4 mln teńge bólindi. Ekpindieldi mekenindegi ortalyq kósheni orta jóndeýden ótkizýge 17,9 mln teńge qarastyryldy», - dedi aýdan ákimi.
Illıýstratsııalyq sýret