Toqtarbaı Qadambaev: Elbasy osy jaǵdaıda qashyqtan jumys istep, erlik kórsetip otyr

QOSTANAI.QazAqparat – Qoǵam qaıratkeri, Qostanaı oblysynyń birinshi ákimi Toqtarbaı Qadambaev Elbasyna amandyq tilep, pikir bildirdi, dep habarlaıdy QazAqparat.

«Asa qadirmendi Nursultan Ábishuly!

Álemdegi bolyp jatqan koronavırýs pandemııasynyń kesiri Sizge de jetkenin aýyr qabyldadym.

Elimizdiń táýelsizdikke qol jetkizip, qıyn-qystaý jyldarynda ózińizben úzeńgiles bolyp qyzmet atqarǵanymdy árqashan maqtan etemin.

Siz jahandyq aýqymda oılaı biletin, álemdik deńgeıde asa tanymal kóshbasshynyń birisiz. Beıbitsúıgish, qarqyndy damyp kele jatqan qazirgi Qazaqstan – Sizdiń eren eńbegińizdiń jemisi ekeni aıdan anyq. Kóregendilikpen júrgizgen saıasatyńyzdyń arqasynda qalyptasqan tyǵyz halyqaralyq yntymaqtastyq pen seriktestiktiń nátıjesinde Qazaqstan eleýli jetistikterge qol jetkizdi.

Densaýlyqqa tóngen qaýipke qaramastan qashyqtan jumys isteýdi jalǵastyrýyńyz úlken erlik dep esepteımin», - deıdi Toqtarbaı Qadambaıuly.

Ol Elbasyna tez arada saýyǵyp, aldaǵy ýaqytta da kóptegen bastamalardyń basynda bolyp, el bolashaǵy jolynda eńbek ete berýin tileıdi