Tokıolyqtar Astanany 20 jyldyq mereıtoıymen quttyqtady

BEIJІŃ-TOKIO. QazAqparat - Tokıo gýbernatory ıÝrıko Koıke Qazaqstannyń Japonııadaǵy Elshisi Erlan Baýdarbek-Qojataevqa Astananyń 20 jyldyǵyna baılanysty Prezıdent Nursultan Nazarbaevqa arnalǵan quttyqtaý hatyn tabys etti, dep habarlaıdy Qytaıdaǵy QazAqparattyń menshikti tilshisi.

Tokıo gýbernatory Elbasynyń Astananyń damýyndaǵy rólin erekshe atap ótip, Qazaqstan halqynyń beıbit ómirde kún keship, odan ary gúldene berýine tilek bildirdi. Onyń aıtýynsha, Astana qysqa merzimniń ishinde búkil álem tanıtyn qalaǵa aınaldy. Oǵan aldyńǵy jyly ǵana ótken EKSPO-2017 halyqaralyq kórmesi dálel bolyp otyr.

Elshi E.Baýdarbek-Qojataev gýbernatormen Astananyń damýynyń barysymen bólisti. Atap aıtqanda, Astana Halyqaralyq qarjy ortalyǵy, AstanaHub halyqaralyq tehnoparkiniń IT-startaptary jáne Halyqaralyq jasyl tehnologııalar ortalyǵy syndy jobalarmen tanystyrdy.

Eske sala keteıik, qazirgi ýaqytta Japonııa el astanasy Kıotodan Tokıoǵa kóshirilgenine 150 jyl tolýyna arnalǵan mereıtoıdy atap ótip jatyr. Búginde Tokıo - JІÓ deńgeıi boıynsha (1,5 trln dollar) álemdegi eń iri megapolısterdiń qatarynda. Sonymen qatar, týrızm men qaýipsizdik jóninen ekinshi jyl qatarynan adamdardyń tańdaýy eń kóp túsetin qala atanyp otyr.