Tokıoda Olımpıada oıyndarynyń alǵashqy jarysy bastaldy
09:16, 21 Shilde 2021
NUR-SULTAN. QazAqparat - Tokıodaǵy jazǵy Olımpıada oıyndary aıasynda alǵashqy jarys bastaldy. Softboldan Japonııa áıelder komandasy Avstralııany aıqyn basymdyqpen jeńdi dep jazady Olympic.kz.
Kezdesý 8:1 esebimen aıaqtaldy. Softbol básekeleri 21-27 shilde aralyǵynda ótedi. Alty áıelder komandsy bir júlde jıyntyǵyn sarapqa salady. Al erler beısbolda baq synaıdy.
Sondaı-aq, búgin áıelder komandasy arasyndaǵy fýtbol básekesi de bastalady.
Tokıo Olımpıadasynyń ashylý saltanaty 23 shildege josparlanǵan. Alaıda, sporttyq jarystar ashylý saltanatynan buryn bastalyp ketedi. Bul, ásirese, komandalyq oıyn túrlerindegi sportshylarǵa tikeleı qatysty.