Tokıoda «Qazaqstan-Japonııa: ıadrolyq qarýsyz álemge jol» kórmesi ashyldy
Elbasynyń ıadrolyq qarýdan azat álem qurý jónindegi bastamalary Semeı ıadrolyq synaq polıgony jabylǵannan keıin alǵash ret sheteldik qoǵamdastyqqa usynylyp otyr. Kórmede atom qýatyn beıbit maqsatta qoldanatyn ıadrolyq qarýdan azat álem tujyrymdamasynyń bastaýy men mazmuny tolyq kólemde usynylǵan. Mýzeılik, arhıvtik jáne kitap materıaldary negizinde ıadrolyq qarýsyzdaný jáne jahandyq qaýipsizdik júıesin qurý men damytýdyń qaǵıdattaryn jasaqtaǵan Qazaqstan Respýblıkasy Tuńǵysh Prezıdentiniń jahandyq aýqymdy tulǵasy kórsetilgen.
Kórmeni ashqan Elbasy kitaphanasynyń dırektory, saıası ǵylymdardyń doktory, professor Ámirhan Rahymjanov ıadrolyq qýatty áskerı maqsatta jabaıylyqpen qoldanýdyń keri saldarynan qatty zardap shekken Qazaqstan men Japonııa taǵdyrynyń ortaqtyǵyn atap ótti. Onyń sózinshe, atalǵan joba – halyqtar arasyndaǵy turaqtylyq pen ózara túsinistiktiń negizi bolyp tabylatyn ıadrolyq qaýipsizdiktiń jahandyq taqyryby boıynsha qujattyq derekkózderdi, mýzeılik jáne kitap toptamalaryn jınaý men zertteýdiń nátıjesi.
«Búgin, Qazaqstannyń jańa tarıhynda alǵash ret sizderge eki el úshin mańyzdy da qyzyqty kóptegen suraqtar men taqyryptardy qamtıtyn kórmeni zor qýanyshpen ári úlken tolqýmen usynamyn. Qazaqstan da, Japonııa da, osy eki eldiń basshylary qabyldaǵan pármendi sharalar negizin qalaǵan saıası mádenıet pen tarıhı damýdyń jańa deńgeıine kóterildi. Kún tártibin órkenıetti únqatysý men elimizdiń azamattarynyń qaýipsizdigi men gúldenýi úshin alǵan mindettemelerdi dáıekti oryndaýǵa ortaq qajettilikter anyqtaıdy», - dedi Á.Rahymjanov.
«Búgingideı kórme Japonııada alǵash ret ótýde. Munda nagradalar usynylǵan, olardyń qatarynda Nursultan Nazarbaevqa berilgen Japonııanyń joǵary memlekettik nagradasy – Úlken lentadaǵy Hrızantema (Baqytgúl) ordeni bar. Sondaı-aq, Elbasyǵa «Hırosıma qalasynyń aıryqsha qurmetti azamaty» arnaýly ataǵyn tapsyrý sáti beınelegen fotosýret te bar. Joba aıasyndaǵy qor kórmesi, halyqaralyq konferentsııadan turatyn is-sharalar - eki eldiń ıadrolyq qarýdy taratpaý salasyndaǵy yntymaqtastyqty tereńdetý nıetiniń kórneki mysaly. Budan basqa, munda japondyq qoǵamdastyqqa qazaqtyń zergerlik buıymdary, ulttyq kıimi usynylǵan. Bul – bizdiń tarıhymyz ben mádenıetimizdi tanystyrýda asa mańyzdy», - dedi qor kórmesiniń ekspozıtsııalarymen tanysqan Qazaqstan Respýblıkasynyń Japonııadaǵy Elshisi Erlan Baýdarbek-Qojataev.
Kórmeniń alǵashqy kelýshileriniń biri tokıolyq kásipker ıÝýıchıro Mıkamı boldy. Ony Qazaqstanmen Almaty qalasynda oqyǵan jyldar baılanystyrady.
«Japonııa Qazaqstan týraly aqparatqa zárý. Meniń ózim sizderdiń elińizde oqyǵanyma qaramastan Qazaqstan týraly az biledi ekenmin. Muny elimiz arasyndaǵy ortaq qyrlardy ashqan búgingi kórmeden túsindim. Kórmede zertteýdi qajet etetin kóptegen tarıhı derekter tereń kórsetilgen. Búginde meniń bıznesim medıtsınalyq týrızm salasynda damýda. Meniń isimniń qazaqstandyqtarǵa da paıdasy tıer dep úmittenemin», - dedi ıÝ.Mıkamı.
«Qazaqstan-Japonııa: ıadrolyq qarýsyz álemge jol» kóshpeli jobasynyń kórmesinde 350-den astam (eksponattar, arhıvtik qujattar, foto- jáne beınematerıaldar) ekspozıtsııa usynylǵan. Kórme úsh bólimnen turady: «Uly dala eli: ótken men bolashaq aralyǵynda»; «ıAdrolyq qarýsyz álem jolynda»;«Qazaqstan-Japonııa: beıbitshilik úshin yntymaqtastyq».
Sharany QR Tuńǵysh Prezıdenti – Elbasy Keńsesi men Qorynyń, QR Syrtqy ister mınıstrliginiń, Qazaqstannyń Japonııadaǵy Elshiligi jáne Goı beıbitshilik qorynyń qoldaýymen QR Tuńǵysh Prezıdenti – Elbasy kitaphanasy uıymdastyrdy.
Qazaqstan Respýblıkasynyń Tuńǵysh Prezıdenti – Elbasy kitaphanasynyń «Qazaqstan-Japonııa: ıadrolyq qarýsyz álemge jol» kóshpeli ǵylymı-ekspozıtsııalyq jobasyna kórmemen qatar Tokıo qalasyndaǵy BUU Ýnıversıtetinde ıadrolyq qarýsyzdaný salasyndaǵy bedeldi sarapshylardyń qatysýymen búgin ótetin halyqaralyq konferentsııa da kiredi. Konferentsııa N.Á.Nazarbaevtyń ıadrolyq qarýsyz álem qalyptastyrý jolyndaǵy qozǵalysty damytýdaǵy qyzmetine arnalǵan.
Qazaqstan Respýblıkasy Prezıdentiniń Teleradıokesheni Elbasy kitaphanasynyń ǵylymı-ekspozıtsııalyq jobasy aıasynda arnaıy daıyndalǵan fılmdi usynady.