Tokıoda er adam bılik partııasynyń shtab-páterine Molotov kokteılin laqtyrdy

<p>ASTANA. KAZINFORM - 49 jastaǵy er adam Japonııanyń Lıberaldy-demokratııalyq partııasynyń shtab-páterine birneshe bótelke órtegish suıyq laqtyrdy, dep jazady <a href="https://t.me/bbcrussian/71788" target="_blank" rel="noopener">VVS</a>.&nbsp;</p>

NHK telearnasynyń habarlaýynsha, er adam mıkroavtobýstan túsip, ǵımaratqa qaraı bes-alty bótelke Molotov kokteılin laqtyrǵan. Eshkim zardap shekken joq, bótelkelerdiń biri polıtsııa kóligine tıgen.

Osydan keıin er adam premer-mınıstr rezıdentsııasynyń qorshaýyn julqylap, tútindi zat laqtyrǵan. Polıtsııa ony ustap, áreketiniń sebebin anyqtap jatyr.

Bılik partııasynyń shtab-páterine shabýyl 27 qazanǵa belgilengen parlamenttik saılaýǵa segiz kún qalǵanda jasalǵan. Saılaý Lıberaldy-demokratııalyq partııadaǵy jemqorlyqqa baılanysty janjal men partııa jetekshisiniń aýysýyna baılanysty merziminen buryn ótedi.

Osyǵan deıin Japonııanyń uzaq jasaıtyndar sany jaǵynan rekordty jańartqanyn jazdyq.