Tokıoda bala týý kórsetkishin arttyrý úshin tórt kúndik jumys aptasy engiziledi

<p>TOKIO. KAZINFORM &ndash; Japonııa astanasy Tokıoda otbasylyq ýaqytty jáne bala týý kórsetkishin arttyrý úshin 2025 jyldyń sáýirinen bastap tórt kúndik jumys aptasy engiziledi. Bul týraly <a href="https://edition.cnn.com/2024/12/06/asia/tokyo-government-4-day-workweek-intl-hnk/index.html" target="_blank" rel="noopener">CNN</a> habarlady.&nbsp;</p>

Jańa tártip boıynsha qyzmetkerler aptasyna úsh kún demalýǵa múmkindik alady. Sonymen qatar bastaýysh mekteptiń alǵashqy úsh synybynda oqıtyn balalary bar ata-analarǵa jalaqysynyń belgili bir mólsherinen bas tartý arqyly jumys kúnin merziminen buryn aıaqtaýǵa múmkindik beriledi.

Sondaı-aq Japon úkimeti halyq sanyn kóbeıtý úshin er adamdarǵa da ákelik demalys berý sııaqty birqatar sharany qolǵa almaq.

Sarapshylar elde týý kórsetkishiniń tómendeýin – Japonııada eńbek mádenıetine talap joǵary ekenimen jáne ómir súrý qunynyń ósýimen baılanystyrady. Jumys ýaqytynyń uzaqtyǵy – Japonııa korportaıviniń kópten bergi problemasy. Bul densaýlyqqa da zııanyn tıgizedi. Óte kóp jumys isteý ólimge, ıaǵnı Japonııada tanymal «karoshı» dep atalatyn jaǵdaıǵa ákep soqtyrýy múmkin. 

Tokıo otbasylyq saıasatty júzege asyratyn Azııadaǵy jalǵyz qala emes. Sıngapýr de osy jyly barlyq kompanııany qyzmetkerler úshin ıkemdi jumys tártibin qarastyrýǵa májbúrleıtin jańa nusqaýlar engizdi. Ol tórt kúndik jumys aptasyn nemese ıkemdi jumys ýaqytyn qamtýy múmkin.