Tokıo: Pandemııa medalden úmitti sportshylardyń jaraqatyn der kezinde emdeýge múmkindik bermegen
«Sondaı-aq, jaraqat máselesin de kedergi faktor retinde ataýǵa bolady. Pandemııa kezinde sapaly medıtsınalyq servıstiń bolmaýy jaraqattardyń qordalanýyna ákelgen. Pandemııa kezinde medalden úmitti sportshylardyń kóbinde jaraqat bolǵanyn anyqtap otyrmyz. Ony shekteýlerdiń kesirinen sol kezde emdeý múmkindigi bolmady», - dedi komıtettiń bas hatshysy.
Onyń sózinshe, keı sport túrlerinen bapkerler daıyndyqty álsiretip alǵan.
«Eń negizgi sebepterdiń biri – baǵana da aıtqanymdaı, olımpıadalyq rezervtiń joqtyǵy. Tokıo oıyndary olımpıadalyq rezervtiń deńgeıi - negizgi problemanyń biri ekenin kórsetti. Pandemııa bastalǵannan beri olımpıadalyq daıarlyq ortalyqtarynyń jumysy túgeldeı toqtatylǵan bolatyn. Sońǵy eki jylda olımpıadalyq rezervtiń jas býynyn joǵaltý kelesi olımpıadalarda jaǵymsyz áserlerge ákelýi múmkin», - dedi Andreı Krıýkov.