Tokıo Olımpıadasynyń jabylýyna arnalǵan saltanatty shara bastaldy
Saltanatty sharany koronavırýs pandemııasynyń qatań shekteýlerine baılanysty jankúıerler tamashalaı alǵan joq.
Eske sala keteıik, Olımpıadanyń ashylý saltanatyna arnaıy shaqyrtylǵan álemniń 15 memleketiniń jáne halyqaralyq uıymdar basshylaryn qosa eseptegende 950 qurmetti qonaq qatysty.
Jabylý saltanatynda Japonııanyń ánurany oryndalyp, memlekettik týy joǵary kóteriledi. Sportshylar sherýin Grekııa quramasy bastap shyqsa, ony Japonııa quramasy qorytyndylaıdy dep kútilýde.
Olımpıada jalaýy aldaǵy Jazǵy Olımpıada oıyndarynyń qojaıyny Frantsııaǵa tabys etiledi.
Aıta keteıik, 2024 jylǵy dúbirli dodany Frantsııa astanasy Parıj qalasy qabyldaıdy.
Olımpıada alaýy sóndirilip, eki aptadan astam ýaqytqa sozylǵan aıtýly shara saltanatty túrde jabylady.
Qazaqstan sportshylary segiz qola medal aldy.
Medaldar kectesi jóninen qorytyndy komandalyq esepte Qazaqstan quramasy 83-orynǵa turaqtady.