Tokıo Olımpıadasynyń alǵashqy oıynyn japonııalyqtar jeńispen bastady

FÝKÝShIMA. Kyodo-QazAqparat – Koronavırýsqa baılanysty bir jylǵa keıin shegerilgen Tokıodaǵy Olımpıada oıyndary uzaq úzilisten keıin bastaldy, dep habarlaıdy QazAqparat Kyodo agenttigine silteme jasap.

Softboldan áıelder týrnıriniń alǵashqy matchynda japondar Aýstralııa quramasyn 8:1 esebimen jeńdi.

Jarys ótip jatqan oryn 2011 jylǵy naýryzda jer silkinisi, tsýnamı jáne ıadrolyq apattan zardap shekken Japonııanyń soltústik-shyǵysyndaǵy Fýkýsıma Adzýma stadıony talapqa sáıkes kelgen.

Tokıo olımpıadasynyń uıymdastyrý komıtetiniń prezıdenti Seıko Hasımoto men Olımpıada mınıstri Tamaıo Marýkava oıynnyń aldyndaǵy ashylý rásimine qatysty.

Fýkýsımadaǵy oıyndar basqa olımpıadalyq sharalar sııaqty ınfektsııa juqtyrýshylardyń kóbeıýine baılanysty jabyq esik jaǵdaıynda ótedi.