Tokıo Olımpıadasynda sheteldik delegatsııalar quramy 40 adamǵa deıin kóbeıtilmek

TOKIO. QazAqparat – Tokıodaǵy Olımpıada oıyndarynyń uıymdastyrýshylary basshylyqty alyp júretin sheteldik delegatsııalardyń maksımaldy sanyn 12-den 40-qa deıin kóbeıtpek. Bul týraly juma kúni NHK telearnasy málim etti, dep habarlaıdy QazAqparat.

Basynda el joǵary deńgeıde usynylǵan jaǵdaıda ár delegatsııanyń shektik quramy 12 adamnan aspaý kerek dep shamalanǵan. Alaıda bul talap týrasynda kúzettiń qysqarǵan quramymen jetkilikti qaýipsizdik deńgeıin qamtamasyz etý múmkin emestigi jóninde aryzdar aıtyldy. Nátıjesinde uıymdastyrýshylar delegatsııadaǵy alyp júretin adamdardyń sanyn 18-ge, kerek jaǵdaıda 40-qa kóbeıtý týraly sheshim qabyldady. Sheteldik ókilderge koronavırýsqa qarsy vaktsınalaýdan aldyn ala ótip, Japonııada bes kúnnen kópke qalmaýǵa keńes beriledi, dep habarlaıdy telearna.

Jekelegen jaǵdaılarda delegatsııalarǵa alys qashyqtyqqa sapar jasaý úshin qoǵamdyq kólikti qoldanýǵa ruqsat etiledi. Olardan bógde adamdarmen baılanysqa túspeýi suralady. Delegatsııa músheleri osyndaı talaptarǵa kelisim berip, qoldarynda koronavırýs saraptamasynyń teris nátıjesi bolǵan jaǵdaıda Japonııaǵa kelgen sátte mindetteletin eki aptalyq karantınnen bosatylady.

Eske sala keteıik, Tokıodaǵy Olımpıada 2020 jyldyń 24 shildesi men 9 tamyzy aralyǵynda ótýi kerek bolatyn. Pandemııa saldarynan oıyndar ýaqyty bir jylǵa jyljyp, 2021 jyldyń 23 shildesi men 8 tamyzy aralyǵynda ótetin boldy.