Tokıo Olımpıadasyna irikteý: Sý dobynan áıelder komandasy jeńilip qaldy

NUR-SULTAN. QazAqparat - Búgin Italııanyń Trıest qalasynda sý dobynan áıelder komandasy arasynda Tokıo Olımpıadasyna irikteý týrnıri bastaldy. Ókinishke qaraı, Qazaqstan komandasy alǵashqy oıynda jeńilip qaldy dep habarlaıdy Olympic.kz.

«V» tobynda synǵa túsken qazaqstandyqtar tusaýkeser matchty Grekııa quramasyna qarsy ótkizgen bolatyn. Atalǵan matchta qazaqstandyqtar 5:13 esebimen qarsylasqa jol berdi.

Bizdiń qurama sapynan Anastasııa Eremına, Darıa Roga, Aıjan Aqylbaeva, Vıktorııa Hrıtankovalar mergendigimen kózge tústi. Qazaqstan komandasy kelesi oıyndy Vengrııa quramasyna qarsy ótkizedi.

Kezdesý erteńge josparlanǵan.
Eske salsaq, buǵan deıin Qazaqstan qyzdar quramasy Olımpıada joldamasyna talasatyndyǵy týraly habarlaǵan bolatynbyz.