Tokıo Olımpıadasyna 2005 jyly týǵan gımnasshylar qatysatyn boldy
06:31, 20 Sáýir 2020
NUR SULTAN. QazAqparat -2020 jylǵy Tokıo Olımpıadasy kelesi jylǵa aýystyrylýyna baılanysty oǵan 2005 jylǵy gımnasshylar qatysý múmkindigine ıe boldy. Bul týraly Halyqaralyq gımnastıka federatsııasyna silteme jasaǵan Olympic.kz habarlaıdy.
FIG erejesi boıynsha Olımpıadaǵa qatysatyn gımnasshylardyń jasy 16-dan kem bolmaýy tıis. Eger Tokıo Olımpıadasy bıyl ótse, 2005 jyly týǵandar tórtjyldyq dodasyna qatyspaıtyn edi. Gımnasshylardy Tokıo oıyndaryna qatystyrý týraly sheshim sońǵy aptada ótken FIG otyrysynda anyqtaldy. Sondaı-aq, álemdik uıym Olımpıada oıyndaryna irikteý kezeńi sanalatyn álem kýbogy men qurlyqtyq týrnırlerdi aýystyrý jónindegi josparyn da talqylady.
Aıta ketelik, búginde gımnastıkadan 2020 jylǵy Tokıo Olımpıadasyna beriletin 324 joldamanyń 75 paıyzy úlestirildi.