Tokıo Olımpıadasyn uıymdastyrý komıteti taǵy 12 adamnyń koronavırýs juqtyrǵanyn málim etti

TOKIO. Kyodo- QazAqparat – Beısenbi kúni Tokıo oıyndarynyń uıymdastyrý komıteti Olımpıada oıyndarymen baılanysty COVID-19 juqtyrýdyń 12 jańa jaǵdaıy týrady málim etti, dep habarlaıdy QazAqparat Kyodo agenttigine silteme jasap.

Vırýs juqtyrǵandardyń ekeýi – Olımpıada qalashyǵy aýmaǵynda turatyn sheteldik sportshylar.

Qazirgi ýaqytta Tokıoda Oıyndarǵa qatysy bar 87 adamnyń koronavırýsqa tapsyrǵan testi oń nátıje kórsetti.

Tokıodaǵy Olımpıada oıyndarynyń uıymdastyrý komıteti sandardy sanaýǵa 1 shildede kiristi. Jalpy sanaqqa Japonııada Olımpıada aldyndaǵy jıyndardan ótken sportshylar kirmeıdi.

Ashylý saltanaty juma kúni keshke Tokıoda COVID-19 shekteýlerine baılanysty jankúıerlersiz ótedi.