Tokıo Olımpıadasy taǵy da keıinge shegerilýi múmkin

TOKIO. JAPAN TIMES – QazAqparat – Tokyo 2020 Olımpıadasy dırektorlar keńesiniń múshesi Harýıýkı Takahası eger COVID-19 pandemııasyna baılanysty jaǵdaı jaqsarmasa, Olımpıada oıyndary taǵy da keıinge shegeriletinin málimdedi. Bul týraly QazAqparat Japan Times-qa silteme jasap habarlaıdy.

Eske sala keteıik, bıylǵy jyldyń naýryz aıynda Japonııa úkimeti men Halyqaralyq olımpıada komıteti kelesi aıda ótýi tıis bolǵan Olımpıada oıyndaryn 2021 jylǵa shegerý týraly buryn-sońdy bolmaǵan sheshim qabyldady.

Nikkan Sports japon gazetiniń habarlaýynsha, HOK prezıdenti Tomas Bah kelesi jyly jarys ótpese, Olımpıada oıyndaryn toqtatý kerek ekenin aıtqan. Biraq Takahası bul Japonııa men álem ekonomıkasyna úlken shyǵyn kelgenin habarlady.

«Japonııa men álem ekonomıkasy odan qatty zardap shegedi», - dedi Takahası. Ol Oıyndy toqtatpas buryn taǵy da keıinge shegerý máselesin qarastyrý qajet ekenin aıtty.

Juma kúni uıymdastyrý komıtetiniń atqarýshy keńesiniń otyrysynda Tokıo 2020 prezıdenti Esıro Morı HOK-men Olımpıada oıyndaryn ótkizbeý týraly másele talqylanbaǵanyn málimdedi.

Beıjińde Qysqy Olımpıada oıyndaryn jáne fýtboldan 2020 jyly Álem chempıonatyn ótkizýge baılanysty Tokıo Oıyndarynyń odan ári keıinge qalýy búkilálemdik sporttyq is-sharalardyń kóptiginen odan da úlken máseleler týdyrady.

Eske sala keteıik, Tokıodaǵy Olımpıada 2020 jyldyń 24 shildesinen 9 tamyzyna deıin ótýi tıis bolǵan. Alaıda pandemııaǵa baılanysty jarys kelesi jylǵa aýystyryldy. 2021 jyldyń 23 shildesinen 8 tamyzyna deıin ótpek. «Tokıo-2020» degen ataý saqtalyp qalady.