Tokıo Olımpıadasy: Qazaqstandyq dzıýdoshy Erlan Serikjanov jarysty sátti bastady

NUR-SULTAN. QazAqparat - Tokıo Olımpıadasynda dzıýdo boıynsha jarystardyń ekinshi kúni bastaldy.

Qazaqstandyq dzıýdoshy Erlan Serikjanov jarysty sátti bastady, dep habarlaıdy QazAqparat Olympic.kz-ke silteme jasap.

Búgin, jarystyń ekinshi kúninde erler 66 kelige deıingi, áıelder 52 kelige deıingi salmaq dárejesinde ózara myqtyny anyqtaıdy.

66 kelide Qazaqstan sapynan tatamıge shyqqan Erlan Serikjanov alǵashqy kezdesýinde qarsylasyn jeńdi. Ázirbaıjandyq Orhan Safarovpen beldesken ol qosymsha ýaqytta «vazarı» upaıyn enshiledi.

Aıta keterligi, Erlan Serikjanovtyń kelesi qarsylasy álem chempıonatynyń kúmis júldegeri ıtalııalyq Manýel Lombardo bolady.