Tokıo men Bonnda sakýra gúldedi

<p>ASTANA. KAZINFORM &mdash; Tokıo men Germanııanyń Bonn qalasynda sakýranyń gúldeý maýsymy bir ýaqytta bastaldy, dep jazady <a href="https://ru.euronews.com/2024/03/31/germany-cherry-blossom" target="_blank" rel="noopener">Euronews</a>.</p>

Germanııanyń Bonn qalasynda japondyq shıe gúliniń maýsymy bastaldy. Bıylǵy jyly ol ádettegiden eki apta buryn bastalyp, ósimdik búrshigi tolyq ashyldy. Ádette bul jaqta sakýranyń gúldeýi sáýir aıynyń ortasynan asa bastalatyn.

Keremet kórinisti tamashalaýǵa jergilikti turǵyndarmen qatar, basqa elden kelýshiler de asyǵady. Osyǵan baılanysty qala bıligi kólik keptelisin boldyrmaý úshin júrgizýshilerge qala ortalyǵyndaǵy Heershtrasse jáne Breıteshtrasse sııaqty kóshelermen júrýdi usyndy.

Sakýranyń erte gúldeýine qystyń jaıly bolýy sebep. Gúldeý kezeńi eki aptadan aspaıdy. Ǵalymdardyń aıtýynsha, kún neǵurlym jyly bolsa, gúlder soǵurlym tez túsedi.

Al, Tokıoda sakýranyń gúldeý maýsymy bıyl keshikti. Ulttyq meteorologııalyq agenttik onyń gúldegenin senbide, ótken jylǵydan 15 kún keshiktirip jarııalady.

Sakýranyń gúldeý maýsymy Tokıodaǵy ıAsýkýnı hramyndaǵy aǵashtarda kem degende bes búrshik ashylǵanda bastalady.