Tokıo-2020: Zakır Safıýllın jartylaı fınaldan tys qaldy

TOKIO. QazAqparat - Tokıo Olımpıadasynda qazaqstandyq Zakır Safıýllın (63 keli) jartylaı fınaldan tys qaldy, dep habarlaıdy QazAqparat tilshisi.

Qazaqstandyq sportshy búgin shırek fınalda aýstralııalyq Harrıson Garsaıdpen kezdesti. Ekeýiniń jekpe-jeginde bes tóreshiniń úsheýi Zakırdiń basym ekendigin kórsetti. Ekinshi raýndta bul kerisinshe boldy.

Osylaısha úshinshi raýnd ekeýiniń tartysty jekpe-jegimen jalǵasty. Nátıjesinde tóreshi aýstralııalyq boksshynyń qolyn kóterdi.

24-jastaǵy Harrıson Garsaıd Olımpıadada táp-táýir nátıjege qol jetkizip keledi.

Alǵashqy eki jekpe-jeginde Papýa-Jańa Gvıneıa elinen kelgen Djon Ýme men namıbııalyq Ionas Ionasty 5:0 esebimen tize búktirdi.

Olımpıadada Zakır birinshi irikteý kezeńinde perýlik Leodan Pezony 5:0 esebimen jeńse, odan keıin japonııalyq Daısýke Narımatsý densaýlyq jaǵdaıyna baılanysty sharshy alańǵa shyǵýdan bas tartty.

Eske salsaq, bıylǵy Olımpıadaǵa bokstan erler quramasynan 8 sportshy bardy. Olardyń arasynan Zakırden ózge Sáken Bıbosynov (52 keli), Qamshybek Qońqabaev (91 keliden joǵary) jartylaı fınalǵa shyqty.