Tokıo-2020: Tennısshi Elena Rybakına aýstralııalyq qarsylasyn qapy qaldyrdy

TOKIO. QazAqparat – Qazaqstandyq tennısshi Elena Rybakına Tokıo Olımpıadasyndaǵy alǵashqy kezdesýin jeńispen aıaqtady, dep habarlaıdy QazAqparat tilshisi.

Birinshi aınalymda onyń qarsylasy aýstralııalyq Samanta Stosýr boldy. 1 saǵat 10 mınýtqa sozylǵan saıysta qarsylasynan 6:4 jáne 6:2 esebimen eki basym túsken qazaqstandyq tenıısshi jarystyń kelesi raýndyna shyqty.

Taǵy bir qazaqstandyq tennısshi Aleksandr Býblık reseılik Danııl Medvedevpen kúsh synasyp jatyr.

Buǵan deıin habarlaǵanymyzdaı , dzıýdoshy Eldos Smetov qarsylasyn utyp, jartylaı fınalǵa shyqty.

Endi jartylaı fınalda japonııalyqpen kúsh synasady.

Aıta ketsek, shırek fınalda ol Ońtústik Koreıanyń úmiti Kım Von Djınmen beldesken bolatyn. Qazaqstandyq dzıýdoshy qarsylasyn «ıppon» ádisimen utyp ketti.

Sondaı-aq, boksshy Serik Temirjanov ta óziniń alǵashqy jekpe-jegin jeńispen aıaqtady.