Tokıo-2020: Sý dobynan Qazaqstan quramasy Horvatııadan jeńildi

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda sý dobynan Qazaqstan quramasy birinshi oıynyn sátsiz bastady, dep habarlaıdy QazAqparat.

Qazaqstandyq sportshylar aldyn ala irikteý kezeńinde V tobynda synǵa túsedi. Alǵashqy oıynynda qazaqstandyq jigitter Horvatııaǵa 7:23 esebimen ese jiberdi.

Sondaı-aq, V tobynda Chernogorııa, Ispanııa, Serbııa jáne Avstralııa baq synaıdy.

Endi qazaqstandyq qurama 27 shildede Serbııamen sheberlik baıqasady.

Aıta keteıik, Qazaqstan quramasy Olımpıadaǵa tórtinshi márte qatysyp otyr. 2000 jyly jalpy komandalyq esepte toǵyzynshy orynǵa taban tirep, ázirge ol quramanyń eń joǵary jetistigi retinde tirkelgen.

Aıtýly alamanǵa dúnıe júzindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi. Buǵan deıin Qazaqstan quramasy alty Jazǵy Olımpıadada baq synady.

Jalpy alǵanda 21 altyn, 28 kúmis, 64 qola medal aldy.