Tokıo-2020: Sınhrondy júzýde qazaqstandyq sportshylar jarystan shyǵyp qaldy

TOKIO. QazAqparat - Tokıo Olımpıadasynda áıelder arasynda sınhrondy júzýden tehnıkalyq baǵdarlamada juptyq saıysta Aleksandra jáne Ekaterına Nemıch jarys jolynan shyǵyp qaldy, dep habarlaıdy QazAqparat tilshisi.

Qazaqstandyq sportshylar 167.1005 ball jınady. Bul fınalǵa shyǵýǵa jetkiliksiz bolatyn. Oǵan juptyq jarysta alǵashqy on eki orynǵa taban tiregen sportshylar qol jetkizdi.

Búginge deıin Tokıo Olımpıadasynda qazaqstandyq sportshylar úsh qola medal aldy. Olardyń qatarynda dzıýdoshy Eldos Smetov , aýyr atletter Igor Son men Zúlfııa Chınshanlo bar.

Qazaqstandyq boksshylar - Sáken Bıbosynov (52 keli) pen Qamshybek Qońqabaev (91 keliden joǵary) jartylaı fınalǵa joldama aldy.