Tokıo-2020: Mılad Karımı júldeden tys qaldy

TOKIO. QazAqparat - Tokıo Olımpıadasynda qazaqstandyq Mılad Karımı sporttyq gımnastıkadan kermede jattyǵý jasaýda fınalda júldegerler qatarynan kórine alǵan joq, dep habarlaıdy QazAqparat tilshisi.

Onyń kórsetkishi -11.266. Qazaqstandyq sportshy osylaısha júldege iligetin sportshylar tiziminen shyǵyp qaldy. Ol budan burynǵy irikteý satysynda 14.766 kórsetkishimen ekinshi oryn alǵan edi.

Eske salsaq, budan buryn kópsaıysta 14-oryn alsa, erkin jattyǵý saıysynyń fınalynda besinshi oryn aldy.

Mılad Karımı budan buryn Azııa chempıonatynda úsh márte júldegerler qatarynan kórinse, 2019 jyly Jazǵy ýnıversıadada kúmis júldeger atandy.

Búginge deıin Tokıo Olımpıadasynda qazaqstandyq sportshylar úsh qola medal aldy. Olardyń qatarynda dzıýdoshy Eldos Smetov , aýyr atletter Igor Son men Zúlfııa Chınshanlo bar.

Qazaqstandyq boksshylar - Sáken Bıbosynov (52 keli) pen Qamshybek Qońqabaev (91 keliden joǵary) jartylaı fınalǵa joldama aldy.

Foto: Týrar Kazangapov, NOK RK