Tokıo-2020: Qazaqstan tennısshileriniń júldesiz qalýyna ne áser etti

NUR-SULTAN. QazAqparat –QR Ulttyq Olımpıada komıteti sport dırektsııasynyń dırektory Elsııar Qanaǵatov elimiz tennısshileriniń Tokıo Olımpıadasynda júldesiz qalýyna áser etken sebeptiń birin atady, dep habarlaıdy QazAqparat tilshisi.

«Aldymen, aıtarymyz, tennıs oıyny kezinde aýa raıy óte ystyq boldy. Múmkin bul uıymdastyrýshylardyń kemshiligi shyǵar. Biz tennısshilerden suradyq, olar kúnniń shamadan tys bolǵanyn aıtyp, oıyndy odan ári jalǵastyra almaǵandaryn aıtty. Bizge osylaı jaýap berdi. Basqa elderdiń de tennısshileri oıynnan shyǵyp qaldy», - dedi Elsııar Qanaǵatov Ortalyq kommýnıkatsııalar qyzmetinde ótken baspasóz máslıhatynda.

Óz kezeginde QR Tennıs federatsııasynyń vıtse-prezıdenti ıÝrıı Polskıı de óz pikirin alǵa tartty.

«Iá, rasymen, aýa raıynyń qolaısyzdyǵy keri áserin tıgizdi. Basqa el sportshylary da oıynnan shyǵyp jatty. Bizdiń qyzdar jaqsy oıyn kórsetti dep oılaımyn. Sonymen qatar dárigerler de ádettegiden az boldy. Tennısshilerimiz bar kúsh jigerin saldy», - deıdi ol.

Buǵan deıin QR Ulttyq Olımpıada komıteti sport dırektsııasynyń dırektory Elsııar Qanaǵatov Tokıo Olımpıadasynda el namysyn qorǵaǵan qazaqstandyq tennısshilerdiń ónerine baǵa berdi.

Sondaı-aq Elena Rybakınaǵa yntalandyrý syıaqysy beriletini aıtyldy.