Tokıo-2020: Qazaqstan medal sany boıynsha 79-shy orynda tur

NUR-SULTAN. QazAqparat - Búgin qazaqstandyq sportshylar Tokıoda ótip jatqan Olımpıadada medal ala almady, dep habarlaıdy QazAqparat Sports.kz saıtyna silteme jasap.

Qazaqstan qorjynynda ázirge 7 qola medal bar. Olardy dzıýdoshy Eldos Smetov, aýyr atletter Igor Son men Zýlfııa Chınshanlo, boksshylar Qamshybek Qońqabaev, Sáken Bıbosynov, palýan Nurıslam Sanaev pen karateshi Darhan Asadilov jeńip aldy.

Medal sany boıynsha Qazaqstan 79-shy orynda tur. Kósh basynda Qytaı (36-26-17), ekinshi orynda AQSh (31-36-31) keledi, úshinshi orynǵa Japonııa (24-11-16) turaqtaǵan.

Postkeńestik elderdiń arasynda birinshi bolyp Reseı (17-23-22) tur, ol besinshi orynǵa turaqtaǵan. Odan keıin 25-shi orynda turǵan Grýzııa (2-5-1), 35-shi oryndaǵy Ózbekstan (2-0-2) tur. Tizimdi 40-shy oryn alǵan Ýkraına (1-3-10), 43-shi oryn alǵan Belarýs (1-2-2), 57-shi orynda turǵan Estonııa men Latvııa (1-0-1), 67-shi oryndaǵy Armenııa (0-2-2), 68-shi oryndaǵy Qyrǵyzstan (0-2-1), 69-shy oryndaǵy Ázerbaıjan (0-1-3), 75-shi orynǵa jaıǵasqan Lıtva men Túrikmenstan (0-1-0) jalǵastarady.

Medal sany boıynsha 6-tamyz kúngi nátıje:

1. Qytaı — 36-26-17

2. AQSh — 31-36-31

3. Japonııa — 24-11-16

4. Ulybrıtanııa — 18-20-20

5. Reseı — 17-23-22

6. Avstralııa — 17-6-21

7. Italııa — 10-10-18

8. Germanııa — 9-11-16

9. Nıderlandy — 9-10-12

10. Frantsııa — 7-11-9

79. Qazaqstan — 0-0-7.