Tokıo-2020: Elena Rybakına shırek fınalǵa joldama aldy

TOKIO. QazAqparat - Tokıo Olımpıadasynda synǵa túsip jatqan tennısshi Elena Rybakına shırek fınalǵa joldama aldy, dep habarlaıdy QazAqparat.

Qazaqstandyq tennısshi 1/8 fınalda horvatııalyq Donna Vekıchpen sheberlik baıqasty.

Qarsylasyn eki sette 7:6, 6:4 esebimen jeńip, shırek fınalǵa shyqty.

Endi ol ıspanııalyq Garbıne Mýgýrýsomen taıtalasqa túsedi.

Aıta keteıik, alǵashqy kezdesýlerinde ol avstralııalyq Samanta Stosýr (6:4, 6:2) jáne shvetsııalyq Rebekka Peterson (6:2, 6:3) syndy qarsylastaryn qapy qaldyryp ketti.

Tennısten Qazaqstan áıelder quramasynda buǵan deıin Zarına Dııas, ıAroslava Shvedova jáne ıÝlııa Pýtıntseva jarys jolynan shyǵyp qaldy.

Sondaı-aq, búgin Mıhaıl Kýkýshkın erler arasynda 1/8 fınalda belarýstik Ilıa Ivashkoǵa ese jiberdi.

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.