Tokıo-2020: Denıs Gankın ekinshi kezdesýinde jeńildi

TOKIO. QazAqparat - Tokıo Olımpıadasynda sadaq atýdan qazaqstandyq sportshy Denıs Gankın ekinshi kezdesýinde jeńilip qaldy, dep jazady QazAqparat.

Alǵashqy kezdesýinde ol egıpettik ıÝsýf Tolbadan 6:4 esebimen basym túsken edi. Al, ekinshi kezdesýinde ıtalııalyq Maýro Nespolıge ese jiberdi. Esep 2:6.

Qazaqstandyq sportshy osylaısha Olımpıadany erte aıaqtaýǵa májbúr boldy. Endi Qazaqstan sapynan Ilfat Abdýllın men Sanjar Musaev synǵa túsedi.

Al komandalyq básekede Qazaqstan Úndistanmen kúsh synasady.

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaıdy.

Aıta keteıik, qazir Qazaqstan quramasynyń qorjynynda úsh qola medal bar.

Alǵashqysyn 24 shildede dzıýdoshy Eldos Smetov ıemdense, ekinshisine 25 shildede aýyr atlet Igor Son qol jetkizdi.

Taǵy bir aýyr atletimiz Zýlfııa Chınshanlo 26 shildede taǵy bir qolamen júlde qoryn tolyqtyrdy.