Tokıo-2020: Álem nazary japon robottaryna aýady

NUR-SULTAN. QazAqparat - Japonııa halyqtyń kóbiniń jasy ulǵaıyp, jumys kúshi azaıyp jatqandyqtan, qarttar úıinde, keńseler men mektepterde robottar sanyn arttyra bastady, dep jazady QazAqparat VVS-ge silteme jasap.

«Japonııa ózgerip jatyr: qoǵam jyldam qartaıyp, shetelden kelýshiler artty jáne memlekette robottar sany eselenip ketti. Ásirese, keńselerdegi kúzet qyzmetinde robottar kóptep paılalanyla bastady. Sońǵy kezderi sarapshylar men saıasatkerler jumys kúshiniń azaıý revolıýtsııasy kelgenin aıtyp jatyr. Al robottar olar adamdardy almastyrmaı, qosymsha kómek kúshi bolatyndaryna senimdi», - dep jazady basylym.

Japonııa úkimeti birneshe jyl buryn robot qurastyrý salasyna 100 mln dollar ınvestıtsııa saldy. Ásirese Tokıo 2020 olımpıadasy kezinde álem nazary japon robottarynda bolady dep kútilýde.

«Japonııa úlken demografııalyq problemaǵa tap boldy. Munda halyqtyń ortasha jasy artty, týý kórsetkishi azaıdy, halyq sany da azaıyp jatyr.

«Batysta robottarǵa halyqty jumyssyz qaldyrýshylar retinde qaraıdy. Al japondar robottardy jaqsy kóredi. Degenmen, sarapshylardyń aıtýynsha, Japonııada ǵana emes, robottar búkil álemde arta bastaıdy», - dep jazady basylym.