Toqaevtyń jaqtastary Atyraý oblysynyń turǵyndarymen kezdesti

ATYRAÝ. QazAqparat – Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Atyraý oblysynyń turǵyndarymen birqatar kezdesý ótkizdi. Bul týraly QazAqparat kandıdattyń qoǵamdyq shtabyna silteme jasaı otyryp habarlady.

RQSh músheleri «Bolashaq» munaı men gazdy keshendi daıyndaý zaýytynyń ujymymen kezdesip, kandıdattyń saılaýaldy baǵdarlamasynda kórsetilgen eldiń energetıkalyq sektoryn damytý jónindegi sharalarǵa nazar aýdardy.

Munaı-gaz salasynyń ardagerlerimen kezdesýde Qasym-Jomart Toqaevtyń jaqtastary kásiporyndardaǵy eńbek jaǵdaılaryn jaqsartý jáne jalaqyny arttyrý máselelerin talqylady.

Budan soń balyq óńdeý kásipornynyń alańynda sala kásipkerlerimen balyq sharýashylyǵyn damytý jáne sý nysandarynyń ekojúıesin qorǵaý jónindegi sharalar talqylandy.

Osy kúni oblys jurtshylyǵymen kezdesý ótti, onyń barysynda RQSh músheleri saılaýaldy baǵdarlamanyń óńirlerdegi áleýmettik jáne kommýnaldyq ınfraqurylymdy damytýǵa arnalǵan bólimine egjeı-tegjeıli toqtaldy.

Aıta keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.