Toqaevtyń respýblıkalyq shtaby ShQO jurtshylyǵymen kezdesti

ÓSKEMEN. QazAqparat - Prezıdenttikten úmitker Qasym-Jomart Toqaevty qoldaý jónindegi respýblıkalyq qoǵamdyq shtabtyń músheleri Shyǵys Qazaqstan oblysynda eńbek ujymdarymen, kópbalaly analarmen, bıznes-qoǵamdastyqtyń jáne etnomádenı birlestikterdiń ókilderimen kezdesti, dep habarlaıdy QazAqparat.

Shtab ókilderi óńirge sapar barysynda oblystaǵy etnomádenı birlestikter ókilderimen, sondaı-aq j as ІT-mamandarmen kezdesti.

Shtab músheleri úmitkerdiń saılaý aldyndaǵy baǵdarlamasyna toqtalyp, ondaǵy tsıfrlandyrý salasyna qatysty basymdyqtarǵa nazar aýdardy.

Sonymen qatar respýblıkalyq qoǵamdyq shtab ókilderi bıznes salasyndaǵy jergilikti sarapshylarmen jáne kásipkerlermen birge osy baǵyttaǵy bıýrokratııalyq qysymdy tómendetý sharalaryn talqylady.

Odan bólek, RQSh músheleri «Sılýmın-Vostok» JShS óndiristik-ınjınırıngtik kompanııasynyń eńbek ujymymen kezdesti.

Kezdesý barysynda jumysshy quqyǵy kúshti kásipodaqtar men qatań memlekettik qadaǵalaý arqyly qamtamasyz etiletin básekege qabiletti jáne qaýipsiz eńbek ortasyn qurý týraly saılaýaldy bastama keńinen sóz boldy.

Al kópbalaly analarmen kezdesýde Qasym-Jomart Toqaevtyń jaqtastary saılaý aldyndaǵy baǵdarlamanyń áleýmettik baǵytyna jan-jaqty toqtaldy.