Toqaevtyń Respýblıkalyq qoǵamdyq shtaby Qyzylorda oblysynda kezdesýler ótkizdi

ASTANA. QazAqparat – QR prezıdentin saılaýda kandıdat Qasym-Jomart Toqaevtyń Respýblıkalyq qoǵamdyq shtabynyń (RQSh) saılaýshylarmen kezdesýi Qyzylorda oblysynda jalǵasty, dep habarlaıdy QazAqparat.

Atap aıtqanda, kásipkerlermen jáne agrarlyq sektordyń ókilderimen bolǵan kezdesýde RQSh músheleri óńirlerdegi kólik jáne áleýmettik ınfraqurylymdy damytý máselelerin talqylady.

Sonymen qatar, Qyzylordadaǵy jylý elektr ortalyǵynyń ujymymen kezdesý ótti.

Munymen qosa, RQSh músheleri aıtyskerlermen jáne jyrshylarmen kandıdattyń mádenıet pen ónerdi damytýǵa, sondaı-aq halyqaralyq arenada Qazaqstandy beıbitshilik pen kelisim, izgilik pen toleranttylyq eli retinde tanytýǵa baǵyttalǵan saılaýaldy bastamalaryn talqylady.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.