Toqaevtyń qoǵamdyq shtabynyń músheleri Almaty turǵyndarymen birqatar kezdesý ótkizdi
Almaty qalasynda ótken saılaýshylarmen kezdesýde Respýblıkalyq qoǵamdyq shtabtyń basshysy Erlan Qoshanov saılaý naýqany bastalǵannan beri elimizdiń barlyq óńirinde 20 myńnan astam úgit-nasıhat is-sharasy ótkenin atap ótti.
Almatyda Ál-Farabı atyndaǵy QazUÝ jataqhanalarynyń birinde stýdenttermen ótken kezdesý barysynda shtab músheleri kandıdattyń jastar saıasatyn jetildirý jónindegi basymdyqtaryna nazar aýdardy. Budan soń Qasym-Jomart Toqaevtyń jaqtastary saıasattanýshylarmen jáne sarapshylarmen saılaýaldy baǵdarlamany talqylady.
Osy kúni kezdesý ótip, onyń barysynda RQSh músheleri shaǵyn jáne orta bıznes ókilderimen, zııaly qaýymmen kezdesý ótkizdi.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.