Toqaevtyń keńesshisi antıvakserlerge degen kózqarasyn bildirdi

NUR-SULTAN. QazAqparat – «Ult múddesi» baǵdarlamasynda QR Prezıdentiniń Ekonomıkalyq damý máseleleri jónindegi keńesshisi Ser Sýma Chakrabartı antıvakserlerdiń pandemııany ýshyqtyrýdaǵy róli týraly pikir bildirdi, dep habarlaıdy QazAqparat tilshisi.

«Vaktsına óziniń tıimdi ekenin kórsetti. Biraq qarsy paıymdaǵy kontıngent árkez bolǵan. Koronavırýs ekpesine ǵana emes, balalarǵa túrli jasynda salynatyn vaktsınalarǵa da, jańa týǵan nárestelerge arnalǵan standartty paketterge de kúmánmen qaraıtyn azǵantaı top bar. Koronavırýs jaǵdaıynda bul kontıngenttiń qatary kóbeıdi. Alaıda, kez-kelgen eldiń Úkimeti bul iste túsindirý jumystaryn kúsheıte berý kerek. Ekpe alý nege durys, ol nesimen utymdy, qoǵamǵa paıdaly bolýynyń sebebi qandaı degen suraqtarǵa túsinikti tilmen jaýap berilýi shart. ıAǵnı, qoǵam sanasyn qatyp qalǵan qyńyr postýlattardan aryltý qajet. Tym jumsaq tásil kórinetin shyǵar, sonda da. Ulybrıtanııa aýrýhanalaryna vırýstyń qaterin elemeı ketken adamdar qaıtadan túse bastady. ıAǵnı adam sanasyn qaıta-qaıta qajetti aqparatpen azyqtandyryp otyrý qajet bolyp tur», - dedi Prezıdent keńesshisi.

Baǵdarlama barysynda ol Ózbekstan men Qazaqstan yntymaqtastyǵynyń ekonomıkalyq múmkindigine baǵa berdi.