Toqaevty qoldaý jónindegi shtab músheleri Shymkent kásiporyndarynda kezdesýler ótkizdi

ShYMKENT. QazAqparat - QR Prezıdenttigine kandıdat Qasym -Jomart Toqaevty qoldaý jónindegi qoǵamdyq shtabtyń músheleri men senimdi ókilderi «Shymkent tsement» jáne «Shymkent temir» kásiporyndarynyń qyzmetkerlerimen kezdesti, dep habarlaıdy QazAqparat qoǵamdyq shtabqa silteme jasaı otyryp.

Jıynǵa «AMANAT» partııasy Shymkent qalalyq fılıalynyń atqarýshy hatshysy Janar Bektaeva, qoǵamdyq shtab músheleri Muratáli Qalmuratov, Qýandyq Sultanǵalı jáne Marat Seıitov qatysty. Olar kásiporyndardyń tynys-tirshiligimen tanysyp, jumysshylardyń saıası naýqan týraly oılaryn tyńdady.

Buǵan deıin Prezıdenttikten úmitker Qasym-Jomart Toqaevty qoldaý jónindegi respýblıkalyq qoǵamdyq shtabtyń músheleri Shyǵys Qazaqstan oblysynda eńbek ujymdarymen, kópbalaly analarmen, bıznes-qoǵamdastyqtyń jáne etnomádenı birlestikterdiń ókilderimen kezdeskenin habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.