Toqaevtyń qytaı tilinde erkin sóıleýi jergilikti jeli qoldanýshylaryn tánti etti

<p>Búgin Beıjińdegi &laquo;Bir beldeý, bir jol&raquo; halyqaralyq yntymaqtastyǵynyń III forýmynyń ashylý rásimine qatysqan Qazaqstan Prezıdenti baıandamasyn qytaı tilinde bastady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qasym-Jomart Toqaevtyń sóz sóılegen vıdeosy birden Qytaıdaǵy túrli áleýmettik jelilerde taralyp, qyzý qoshemetpen qabyldandy.

Qytaıdyń «Weibo» platformasynda (Facebook-tiń qytaılyq nusqasy - red.) 35 mıllıonǵa jýyq oqyrmany bar ardager BAQ qyzmetkeri Hý Sıtszın vıdeony jarııalap: «Bul prezıdenttiń qytaıshasy shynymen keremet eken», - dep pikir bildirdi.

Jarııalanym áp-sátte 350 myńǵa jýyq ret qaralyp, 360-tan astam adam pikir qaldyrǵan.

Foto: vıdeodan alynǵan kadr

Qytaılyq jeli qoldanýshylarynyń biri óz pikirinde: «Qazaqstan prezıdenti – Qytaıda oqyǵan jáne Qytaıdy jaqsy biletin shyǵystanýshy. Qazaqstan – Qytaı men Reseı arasyndaǵy eń úlken memleket. Qytaı men Qazaqstan Dostyǵy máńgi bolady dep senemin!» - deıdi.

Foto: vıdeodan alynǵan kadr

Jeli qoldanýshylary Qasym-Jomart Toqaevtyń qytaı tilin jetik meńgergenin joǵary baǵalady. Tipti keıbireýleri Prezıdenttiń qytaıshasy «kóptegen qytaılyqtan asyp túsedi» dep maqtady.

Aıta keteıik, Qazaqstan Prezıdentiniń qytaı tilin jetik meńgerýi jergilikti BAQ-tyń nazaryn birinshi ret aýdaryp otyrǵan joq. Prezıdent osy jyldyń mamyr aıynda Qytaıdyń CCTV arnasyna suhbat bergen bolatyn. Sol tusta da Qytaı halqyn tańqaldyrdy.

Kúni keshe ǵana Qytaı BAQ-tary Prezıdent Qasym-Jomart Toqaevtyń Qytaıǵa sapary týraly «Qytaısha sóıleı alatyn prezıdent», «Qytaıdy jaqsy biletin shetel prezıdenti» dep jazdy. Shanghai Observer saıty Qazaqstan Prezıdentiniń qytaı tilin jetik meńgergeni týraly maqala jarııalady.