Toqaev: Jetisý oblysynda Abaıǵa arnalǵan birde-bir laıyqty eskertkish joq, bul – uıat nárse
«Men taǵy bir máselege arnaıy toqtalǵym kelip otyr. Búginde uly Abaıdyń kesenesi – elimizdegi eń tanymal nysannyń biri. Alaıda, Jetisý oblysynda Abaıǵa arnalǵan birde-bir laıyqty eskertkish joq. Bul – uıat nárse, úlken olqylyq. Ony túzetý kerek», - dedi Prezıdent.
Memleket basshysy Shoqan Ýálıhanovty álemdik deńgeıde dáripteýimiz kerektigine nazar aýdardy.
«Altynemelde qazaqtyń áıgili ǵalymy Shoqan Ýálıhanovtyń máńgilik mekeni bar ekeni barsha jurtqa belgili. Shańqanaı aýylynda onyń eskertkishi, murajaıy bar. Jergilikti jurt qazaqtyń uly perzenti jerlengen jerdi qaraýsyz qaldyrmaǵan. Biraq, bul jetkiliksiz. Biz Shoqandy álemdik deńgeıde dáripteýimiz kerek. Jalpy, biz uly perzentterimizdi qurmetteı bilýimiz kerek. Mundaı tarıhı oryndar týraly únemi aıtyp, urpaqqa tanystyryp otyrý qajet», - dedi Qasym-Jomart Toqaev.
Sondaı-aq, Memleket basshysy taǵdyrdyń jazýymen jat jerde qalǵan uly babalardy umyt qaldyrmaý qajettigine toqtaldy.
Osy taqyryptan týyndaıtyn taǵy bir másele bar. El tarıhynda erekshe oryn alatyn kóptegen tulǵalarymyz shetelde jerlengen. Ultymyzdyń uly perzentteri Ál-Farabı jáne Beıbarys sultan Sırııanyń Sham shaharynda jatyr. Qazaqtyń áıgili úsh bıiniń ekeýi – Tóle bı men Áıteke bıdiń zıraty – Ózbekstanda. Qurmanǵazy men Bókeı hannyń kesenesi Reseı jerinde. Jat jerden topyraq buıyrǵan basqa da kóptegen tarıhı tulǵalarymyz bar.
Árıne, olardyń báriniń súıegin elge alyp kelý múmkin emes. Ondaı maqsat ta joq. Biraq, taǵdyrdyń jazýymen jat jerde qalǵan uly babalardy umyt qaldyrmaý – bizdiń azamattyq paryzymyz», - dedi Prezıdent.
Foto : t.me/bort_01